صمت الفراق اللي مع الوقت ماطاب *** وبوح العيون اللي بها كل عله
هم الغياب وكل عاشق بلاأسباب *** ماغاب من كيفه ولاعاف خله
واليوم أشوف الوقت حسراة وغياب *** وكل(ن)يصيح الهم وشلون شله
فرقى الليالي من عيونه ولاتاب *** راحت عيونه بس ماغاب كله
ذكراه باقي في حياته ولاغاب *** ماغاب في الترحال وشلون حله
الله يساعدكل عاشق ومنصاب *** ومن ضاع دايم جعل ربي يدله
هذاك ياخذطول عمره فلاجاب *** وهذاك حزنه كل يوم(ن)يهله
هذاك وقته بس لاهي وكذاب *** وهذاك يشكي من حياة ممله
أشكال واجدبس مافيهم أصحاب *** كل(ن)على كيفه يبيني أجله
شفت الزمان اللي بلى حب وقراب *** أمحق زمان(ن)فيه قل(ن)وقله
وشفت البيوت اللي بهاشين الأطناب *** ياسرع ماطاحت لوصارزله
مهمارقينابالزمن نرجع تراب *** ومهماخطينابالزمن نعتذرله
غريب لاكن مالقى شوفة أحباب *** يبكي على فرقاه ويبكي محله
مسكين قلبه من توفى وهوشاب *** يسأل عن اللي في زمانه حصله
ضيع طريقه والعرب دونه أجناب *** الدرب موحش مالقى من يدله
